Die kolombalanse-verslagtipes kan nie gedruk word nie en kan slegs na 'n sigblad (bv. Microsoft Excel, LibreOffice, Apache OpenOffice, Ultra Office, ens.) uitgevoer word.

Jy kan op enige van die kolombalanse uitvoer verslagtipes, op 'n bedrag dubbel-kliek. Dit sal die transaksies, vir die spesifieke periode, in die T-Rekeninge skerm vertoon.  Jy kan die transaksies vir die spesifieke periode in die T-Rekeninge verslag druk en na 'n sigblad uitvoer. 

Wanneer T-Rekeninge op die  Verslae-duimgids geïnisieer word, kan jy ook die volgende kies: 

• Rekening – Kies 'n spesifieke rekening.
• Vanaf datum en Tot datum – Kies 'n spesifieke datum of datums. 

Jy kan ook op een van die volgende velde kliek om spesifieke transaksies te vertoon:

• Joernaalnommer (byvoorbeeld, 10149). Dit sal slegs die transaksies vir dié spesifieke joernaal lys. 
• Rekeningkode (byvoorbeeld, G010000 Verkope, B810000 Lopende Bankrekening, T850010 Uitset BTW, ens.). Dit sal slegs die transaksies vir dié spesifieke rekening lys.
• Datum – Dit sal slegs die transaksies vir dié spesifieke datum lys. Indien jy op 'n datum, dubbel-kliek, sal die “Vanaf datum” en “Tot datum” velde dié datum vertoon.

Grootboekontleder 1 / Grootboekontleder 2 - Die volgende  opsies is in osFinancials 5 geïmplementeer.

• “SBR view” – Standaard besigheid rapportering  - Voeg “SBR references” verwysings tot rekeninge en Rekeninggroepe. Sodra dié verwysings gestel is, genereer jou verslae in die Grootboekontleder 1 / Grootboekontleder 2 en kliek op die “SBR view“ knoppie, en kopieer na jou knipbord. Maak jou Sigblad (“Spreadsheet”) oop en plak die inhoud van jou knipbord daarin. Jy kan dan die data in jou Sigblad verder analiseer, prosesseer, stoor, ens. 
• “Pivot” – Draai-tabel (Spil-as tabel) geïmplementeer om die data van jou verslae, op skerm, te besigtig, filters te stel, data-stelle te groepeer en op spesifieke areas van jou data te analiseer, ens. Jy kan ook grafieke besigtig en die tipes grafieke stel. 
• Zoem in / Zoem out + / -  - opsies geïmplementeer om die font van die teks op die skerms van die verslae in die Grootboekontleder 1 / Grootboekontleder 2 (Proefbalans, Inkomstestaat,, Balansstaat, ens. te vergroot of te verklein. Die opsies is ook in die Sigblad (“Spreadsheet”) komponent van die osFinancials5 beskikbaar.

Opsie

Beskrywing 

Verslagtipe:

Kies een van die volgende tipes verslae:

1. Proefbalans – Lys alle rekeninge in die grootboek (tabel van rekeninge). Die tipes rekening is:
1. - Inkomste / - Uitgawes; 
2. - Bate / Laste / Kapitaal rekeninge; 
3.  - Behoue inkomste rekening; 
4.  - Debiteurekontrolerekening en
5.  - Krediteurekontrolerekening.
2. Inkomstestaat - Inkomste / - Uitgawes  – Lys alle rekeninge in die in die Inkomstestaat gerapporteer word.
3. Balansstaat - Lys slegs die rekeninge wat in die balansstaat vertoon word. Die tipes rekening is: 
1. - Bate / Laste / Kapitaal rekeninge; 
2.  - Behoue inkomste rekening; 
3.  - Debiteurekontrolerekening en 
4.  - Krediteurekontrolerekening.
4. Standaard kolombalanse - Die verslag word in drie kolomme verdeel. Die eerste kolom lys alle rekeninge (proefbalans). In die tweede kolom, word die rekeninge wat slegs in die inkomstestaat vertoon word, gelys. In die laaste kolom, word die rekeninge wat slegs in die balansstaat vertoon word, gelys. 
5. Begroting vs werklike - Lys die begroting wat vir rekeninge in die Budgets opsie (Verslae-duimgids) of in die Begroting-oortjie (Opstel → Rekeninge - Opstel-duimgids) ingesleutel en / of geredigeer is versus die werklike balanse van transaksies wat in joernale en dokumente, vir die geselekteerde periode of datum(s), geposteer is. 
6. Huidige jaar vs vorige jaar - Alle totale (balanse) van rekeninge waarteen transaksies in joernale en dokumente, vir die geselekteerde periode of datum(s), in die huidige jaar, geposteer is, sal gelys word. In die volgende kolom, sal alle totale (balanse) van rekeninge waarteen transaksies in joernale en dokumente, vir die geselekteerde periode of datum(s), in die vorige jaar, geposteer is, gelys word. Die verskil tussen die huidige en vorige jaar (vergelykende totale) sal as bedrae, sowel as persentasies vertoon word. 
7. Kolombalanse - Lys die totale (balanse) van alle grootboek rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs na 'n sigblad uitgevoer word.
8. Kolombalanse - Debiteure - Lys die totale (balanse) van alle debiteure (kliënte / klante) se rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs na 'n sigblad uitgevoer word.
9. Kolombalanse - Krediteure - Lys die totale (balanse) van alle krediteure (verskaffers) se rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs na 'n sigblad uitgevoer word.
10. Kolombalanse D/K - Lys die totale (debiet / krediet) van alle grootboek rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs uitgevoer word.
11. Kolombalanse - Debiteure D/K - Lys die totale (debiet / krediet) van alle debiteure (kliënte / klante) se rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs uitgevoer word.
12. Kolombalanse - Krediteure D/K - Lys die totale (debiet / krediet) van alle krediteure (verskaffers) se rekeninge in kolomme soos in 'n sigblad (“spreadsheet”). Dié verslagtipe kan slegs in die rekeningkode volgorde gelys word. Die verslag kan nie gedruk word nie en kan slegs uitgevoer word.

Begroting:

Lys die begroting wat vir rekeninge in die Budgets opsie (Verslae-duimgids) of in die Begroting-oortjie (Opstel → Rekeninge - Opstel-duimgids) ingesleutel en / of geredigeer is. Indien die "Begroting" opsie vir die volgende verslagtipes gekies word, sal dit die begroting-syfers lys. 

• Proefbalans, 
• Inkomstestaat, 
• Balansstaat en 
• Standaard kolombalanse 

Kostesentrum 1 / 2:

Kostesentrums sal slegs beskikbaar wees in die groepe vir die kostesentrums (Opstel → Groepe) geskep is en kostesentrums geaktiveer is.

Groepe:

Jy kan een van die volgende opsies kies:

• Geen – Dit is die verstek opsie. Alle rekeninge wat by dié verslag ingesluit is, sal in die volgorde van die rekeningkode druk. 
• Verslaggroep 1 – Alle rekeninge wat by dié verslag ingesluit is, sal in die volgorde van Rekeninggroep 1 druk. 
• Verslaggroep 2 – Alle rekeninge wat by dié verslag ingesluit is, sal in die volgorde van Rekeninggroep 2 druk. 

Verslaggroep 1 en 2 – Die volgorde waarin die groepe en rekeninge gelys word, kan verander word deur die Skuif op of Skuif af knoppies (Opstel → Groepe of Opstel → Rekeninge) te gebruik. 

Periode:

Kies “Per Periode” of “Per datum(s)”

• Per periodes – Kies om die verslag vir 1 maand, 2 maande, 3 maande, 4 maande, 6 maande of 'n jaar te druk.
• Per datum(s) – Jy kan enige datum of datums in die “Vanaf datum” en die “Tot datum” velde kies. 

Ignoreer nulbalanse:

Kies (“merk”) dié opsie om slegs die rekeninge waarteen transaksies in joernale en dokumente vir die geselekteerde periode of datum(s) geposteer is.

Indien dié opsie nie gekies (gemerk) is nie, sal alle rekeninge (insluitende die rekeninge met nulbalanse) gelys word.

Wys Debiteure / Krediteure: 

Kies (“merk”) dié opsie om alle individuele debiteur (kliënt / klant)- en krediteur (verskaffer) se rekeninge te lys. 

Indien dié opsie nie gekies (gemerk) is nie, sal slegs die totale van die debiteure- en krediteurekontrolerekeninge gelys word. 

Sluit openingsbalanse in:

Kies (“merk”) dié opsie om die openingsbalanse ook by die totale van die rekeninge waarteen transaksies in joernale en dokumente vir die geselekteerde periode of datum(s) geposteer is, te lys.

Indien dié opsie nie gekies (gemerk) is nie, sal slegs die rekeninge waarteen transaksies in joernale en dokumente vir die geselekteerde periode of datum(s) geposteer is, gelys word.

Slegs openingsbalanse:

Indien die “Sluit openingsbalanse in” veld nie gekies is nie, sal dié veld nie vertoon word nie. 

Indien hierdie opsie gekies word, sal slegs die openingsbalanse vertoon word.  

Die T-Rekeninge kan ook gekies word op die T-Rekeninge-opsie (Verslae-duimgids).

Die Grootboekontleder sal nie outomaties opgedateer word wanneer joernale of dokumente na die grootboek bygewerk (geposteer) word nie. Jy moet op die Verslag-knoppie klik om die verslag te herbou (herlaai).

Druk ongeposteerde joernale in die Grootboekontleder

Die Grootboekontleder sluit nie ongeposteerde joernale en dokumente in nie. Jy kan 'n Proefbalans, Inkomstestaat en Balansstaat vir ongeposteerde sowel as geposeerde joernale bekyk, druk en uitvoer vanaf die Joernale (F2) konteks-kieslys "Proefbalans"-opsie.